واهد الراجل مخاصم مع مرتو. عيط ليها من الخدمة وقال ليها: أشنو دايرة للعشا؟
المرا كاعية، قالت ليه: السم
قال ليها: مزيان، إيوا غير تعشاي ونعسي راني غادي نتعطل اليوم ف الخدمة
واحد الولد سول باه: بابا أشنا هو الموديم؟
قال ليه باه: ما عرفتش أولدي.
قال ليه الولد: أشنا هي الانترنت؟
قال ليه باه: ما عرفتش أولدي.
قال ليه الولد: أشنا هي العولمة؟
قال ليه باه: ما عرفتش أولدي.
قالت ليه أمه: خلي عليك باك بركة من التبرزيط
قال ليها راجلها: لا، خلي الولد يستافد
واحد البنت واقفة بطموبيلتها فالفوروج.
شعل الاخضر ما مشاتش. شعل الاصفر ما مشاتش. شعل الاحمر ما مشاتش.
وهو يجي عندها البوليسي و قال ليها: سمحي لينا أختي، راه غير هاد اللوينات اللي عندنا
واحد الولد سول أمه: كون ما تزوجتيش بابا وما ولدتينيش وشفتيني عند الناس... تعرفيني؟
شفار تزوج شفارة، ملي ولدو وليد لقاوه ساد ايديه، وملي حلوها لقاو الخاتم ديال القابلة
واحد المكلخة كانت غادية ف الزنقة وهي توقف حدا واحد المراية.
بقات تشوف فراسها وكتقول: فايت ليا شفت هاد الكمارة... أنا متأكدة كنعرف هاد البنت
شوية وهي تعيق: اااااااااااااه هادي هي ديك خيتي اللي كانت كتحنزز فيا عند الكوافورة
واحد المرا سولات ولدها: واش نتا عزيز على المعلمة ديالك؟
قال ليها الولد: أه أماما، أنا بوحدي اللي كتقول ليا غادي تبقى معايا العام الجاي
